Saturday, April 19, 2014

اتنين

تخيل نفسك فجأة اتقسمت نُصين 
نُص عايش طبيعى والتانى بيراقب النُص التانى ده 
رقيب عليك دايماً 
معاك فى الشدة قبل الفرحة معاك فى كل مكان 
بيتفرج معاك وبيقف معاك وبيمشى معاك سواء انت صح او غلط هو بيراقبك بس وساعات بيديلك رسايل اوقات حلوة اوقات وحشة 
طب انت هتحبه ؟ 
طب فكر اكتر معلش كده 
النُص ده اللى هو انت هيجى فى يوم ويحاسبك يحاسبك على اللى انت بتعمله كله بقى 
هتحبه برضوا ؟
النُص ده طيب جداً جداً جداً وكل شوية لما تعمل حاجة حلوة يقولك كويس ويكافئك 
ولما تعمل حاجة وحشة يبعتلك انك كده غلطت 

هتفضل مستمر طيب فى الغلط ؟ 
اكيد لا 
طب ليه ؟ 
علشان انت لما بتعمل الغلط كده هتخليه هو كمان يعمل الغلط ده وهو هيبقى معاك فيه ! 

ولله المثل الاعلى ومحدش يقولى حرام علشان مش انت اللى هتحرمها 
انت بتعمل الغلط ليه فى حق ربنا دايماً ؟ 
من تحرش سرقة خيانة لصحابك سُكّر وبلطجة ؟ 
يمكن علشان انت مقتنع انك هتتحاسب بس مش دلوقتى يمكن ؟ 
طب ما هو بيحاسبك اول بـ اول عن طريق رسايل مباشرة ساعات وغير مباشرة ساعات 
ولا يمكن علشان انت مش حاسس ان ربنا مراقبك او علشان هو فوق واحنا تحت ؟ 
To Be Continued 

No comments:

Post a Comment